每天來點逃恥 Programming （四）
Programmer 看日劇
是咁的，喺第 3 集之後一直都見唔到一句 Code，直到睇完之後都睇唔到好傷心，於是想轉移發展 #逃恥科技樹 （編按：作者另一篇未登場的文章；希望介紹劇中出現的軟件。）之際，挖掘途中竟然搵到一個驚世大陰謀⋯⋯
男主角喺搜尋器上搵工輸入嘅 Keywords (來源：網上截圖)
話說當男主角知道自己即將被炒之際，佢即刻開始搵工，佢 Search 個條件係「求人 轉職 SE 正社員」，SE 即係 System Engineer，即係男主搵工嘅條件只係比啱啱畢業好少少，求職心切喎。
呢個畫面係日本轉職網 DODA (來源：網上截圖)
咁樣嘅 Search 條件，對於 36 歲有 10 幾年工作經驗嘅男主角黎講根本係苛刻呀⋯⋯
男主角平匡同女主角森山討論加入邊一間公司 (來源：網上截圖)
經過一輪選擇之後，男主角最後篩選左呢兩間：
左邊： IBC 係同依家做緊相同嘅野，人工打 9 折
右邊： Link Long 就係 Startup，人工少一半同無咁穩定，不過做新野
而男主角因為覺得自己發現左新世界咁覺得自己可以做多d野，所以傾向揀 Link Long。
好一個上進嘅男主角呀⋯⋯
名偵探「百合醬」 (來源：網上截圖)
之但係，當我為左 Cap 圖而去睇返前面幾集，我有個新發現⋯⋯
20/F Link Long 股份公司 (來源：網上截圖)
男主角你揀個間 Link Long 就係當日女主角無意間見到你同個女仔一齊行跟住 Send Message 講大話，嗰個女仔咪你公司個客負責做代表嗰個職員，而佢咪返緊你公司同一棟 Building 囉...
仲有喎，人做 Startup 客做 Startup，個客可以俾咁多錢租間 Office 喺大廈高層，而人工淨係畀一半，男主角都肯受....
男主角，你話你仲唔係有野！？
Postas 嘅介面同 Source Code (來源：網上截圖)
好啦，咁 Link Long 出左事都算，點知連 IBC 都出事…
話說見到 IBC 個 logo 個樣咁熟口熟面，孤陋寡聞嘅我一度以為佢係模仿緊某個品牌，點知一 Search ，發現原來間公司係真實存在。
然後，專職網站用 DODA，IBC 又真實存在喎，會唔會又有其他呢？咁睇返前個幾集，見到男主角一直做緊嗰個 Postas 個樣，心諗無咁橋掛⋯⋯點知一 Search，又中。真實存在嘅 Postas 嘅網頁： https://www.ibs.inte.co.jp/postas/
依依依！？ Postas 所屬間公司咪 IBC 囉⋯⋯
喂喂喂⋯⋯男主角你又搵你 D 客落手！？
你唔揀 IBC 嘅原因，其實係你知道 Postas 個 Program 好多 Bugs，所以你先唔想做係咪！？
純粹憑空猜測：某公司冇贊助套劇而被變為「Good Luck」 (來源：網上截圖)
純粹憑空猜測：男主角，你根本係不負責任加埋企圖背妻偷食，你都係返去做返單身達人啦⋯⋯
(嗚謝及轉載自 Jacky Lai； Journesis 作出了少量編輯修改。)