《三少爺的劍》作為經典重製之作，小寶尚算能夠喺有限嘅片長中，鋪陳有致咁講出一個完整度高嘅故事 - 然而，片中對於善惡之間嘅詮釋，以至交代前塵、現況嘅亂序鈙事，對香港人嚟講著實略嫌過時。觀乎小寶過往作品，單論言情、言志層面，即使未能一步到位，最後往往亦都令人心領神會，餘韻千迴，惟嘆今次《三》片野心太大，畫虎不成，整體水準只屬一般。

又其實，撇除心有餘而力不足嘅導技，《三》片宣傳所強調嘅 3D 技術，可謂全片一大敗筆。擁抱電影科技向來並唔係一件壞事，但縱觀全片充斥大量「直插觀眾」式鏡頭，此舉本來就經已非常壞品味；畫面上嘅 CG 飄雪、落葉以至木屑，雖則立體非常但遺憾跟畫面本身過份分離，觀眾心神或難免跟隨脫離於電影千里之外。

至於兩位主角...本來有啲擔心嘅何潤東，整體算係相當不俗，外露邪氣但頗能帶出角色俠義心腸，與及背後遊戲人間嘅一面...至於飾演三少爺嘅林更新，學似觀映後 Whatsapp Group 內友人戲言，「林更新真係要『更新』了」。

鳴謝 Journesis 的邀請。