冇雷，簡簡單單純分享講幾句。如果要攞導演前作《Life of Pi》相比，今次《比》片論文本、演員難免難以超越，但整體仍覺流暢精彩，主 / 副線交叉敍事更見出色，當中亦不乏李安耍家嘅情懷嘢同人情味；全片並無刻意對「戰禍」議題批判，或者有人會認為深度不足，但可堪回味之處依然不少，觀感猶似另一出色戰爭電影《平頭日記》同《阿甘正傳》去戲劇化嘅共同體。

至於大家關心嘅技術層面，香港上映嘅 60 格版本有利有弊，雖然相對電影感欠奉（唔少人覺得似打緊機），但無疑將 3D 技術昇華至全新層次 - 雖則影院鈄度不足，大半場淪為「人頭版」，但畫面距離感仍然相當充沛，同普通 24 格嘅 3D 實不能同日而語！

鳴謝 Journesis 與及隔離鄰舍 4res 邀請觀影。