今日消防處推出咗「任何仁」，被一眾網民笑佢似另類AV角色-「透明人」。而將呢個玩法玩到街知巷聞的，就係AV界的橋王SOD。

SOD（Soft On Demand），係日本AV界兩大巨頭之一，以創意聞名天下，有美國評論人曾經講過，

"By the way, Soft On Demand is by far the most creative porn studio in the world."

SOD 2015年搞過世界做愛最耐的企劃，以10小時打破世界紀錄。而它的「究極の妄想発明」，雖然出演的都不是知名女優，不過就夠晒獵奇，例如時間停止器、如果電話停等等。

而透明人同時間停止器一樣，都係最出名的系列。其實呢一類的AV，睇的都唔係咩靚女女優，而一堆白色緊身衣男，圍住個女優的場面，亦稱唔上賞心悅目。不過呢一類片種，依然有一定市場，因為可以滿足一啲觀眾的妄想，即係平時所講的FF。

其實拉闊來睇，呢類片同其他AV本質上都係一樣，都係用唔同情節、設定、道具等等，旨在勾起一個人的性慾。有人會鍾意人妻，有人會鍾意學生妹，難道佢哋唔知片中人的身份，全部都係假？呢一種其實都係FF。只不過SOD將呢班人，又或者好多人的FF，用最粗糙的方式去呈現。再拉闊D，其實AV都係為了滿足FF而存在，幾乎可以肯定，AV已經某程度上脫離了肉體上的色情，而係將人的情慾，轉移到幻想。

講返「任何仁」，其實佢都可以滿足到好多網民的獵奇心態，以一個吉祥物的標準，佢甚至連「物」都唔知可唔可以稱得上，但「任何仁」就成功將呢個no one is anyone的概念，好具體咁，用一種粗糙的手法，呈現出來。喺呢個層面上，香港消防比起SOD就更高了，因為SOD只係實現咗唔存在的工具的功能，而「任何仁」係將一個抽象的意念，「具現化」。

不過「任何仁」同透明人都有一個異曲同工之妙，就係令人的討論度大增，成功宣傳同埋打造到自己的品牌形象，係好玩嘅。

P.S.其實AV片中甚少會用到藍色，反而令我印象更深的，係由美國《Hustler》拍的AV版阿凡達，兩團藍色的肉體相互交纏，um...，都唔知講咩好。

P.S.2 原標題：當AV不再賣弄肉體－「任何人」變成「透明人」，看上去好像不太吸睛，哈哈。