認識CHANEL，是從電影「少女香奈兒」開始的。喜歡CHANEL這個品牌，並不是因為她的奢華，乃是她那任性的真我。

CHANEL每次有活動，都會吸引不少女士參加。筆者近年就參加過「Rouge COCO ON TOUR」任玩化粧、指甲油、即影即有，以及「COCO CAFE」迫到爆活動，和今次的GABRIELLE CHANEL 香水展。今次人流不算多（特別是比起上次ARMANI的紅猩猩展覽），可以慢慢逛，慢慢影。

入場首先要嘟QR CODE，如果未登記，在場會有靚女姐姐幫忙做即場登記。我星期日中午去過、星期二晚上去過，都可以即場登記，在場姐姐都好NICE，好主動幫忙。

整個展覽就是圍繞一隻新香水－GABRIELLE CHANEL。（怪不得比先前少人，今次無得玩化粧品XD，只有一枝香水）

到底這枝香水有多厲害呢？工作人員哥哥介紹，CHANEL已經15年無出新香水了。

今次推出新香水是向 COCO CHANNEL創辦人GABRIELLE CHANEL致敬的，她是全新香水的靈感來源，綻放著同樣光彩奪目的絢麗光芒。。一個關於Gabrielle Chanel成為時裝設計師前的故事。她懷著一顆反叛的心，在男權社會下，破繭而出，穿起西裝，戴起她精心設計的帽子，成為她想成為的人。

講起CHANEL香水，經常想起一個典故：法國人以前唔係成日沖涼，所以要用香水去除身體上的異味。唔知故仔有幾真，不過法國香水真係多色多款到總有一隻岩你心水（只要肯慢慢揀XD）然而，經典香味No5實在不是我杯茶，用開COCO MADEMOISELLE，正是花香為主，有甜甜的香味。

而新香水呢，一開始入場係講個樽，係講個樽呀。

呢個樽有咩咁勁呢？根據哥哥所講，呢個樽花左幾年時間設計，使玻璃更薄更通透，折射出來的光芒更漂亮，而且已申請了專利。連個樽蓋、正面的標籤也有花心思。所以成個展覽都不斷見到同呢個樽互相呼應的設計，好多好多由梯形組成既一格格正方形，仲有好多大既最新設計香水樽（膠造的，任拎任影唔嬲）。

在展覽場的中間位置，會有攝影師幫忙影相留念。只要SHOW多次QR CODE登記，埋位影幾張靚相，靚相就會自動SEND返去登記電郵。張相既構圖，都係呢隻CHANEL引以為傲既香水樽呀。我簡單影左兩幅就走了。

不過筆者所見，基本上任影唔嬲，約埋三五知己去影，一定好開心！

關於隻香水，官方介紹是：滿載陽光氣息的花香組合，以四種光芒耀眼的白色花朵（橙花、伊蘭伊蘭、茉莉和格拉斯晚香玉）結合而成。調香師Olivier Polge創作了一束完美的白色花朵，只有這花才能呈現Chanel女士不受拘束的女性魅力。簡單講：我覺得好香、十分好聞、一點都不刺鼻、俗氣，是我杯茶。大家有機會經過IFC，可以攞一張香水卡聞聞喜不喜歡。始終「各香入各鼻」。

展覽場有一個STATION可以讓參與者逐隻花香味慢慢聞，只要禁左下方的按鈕，就會有香味溢出。

最後呢個超級影相位，好似萬花筒，大頭、全身影，效果都很不錯，太多人影，小妹就唔係好攝到位。

睇完展覽會收到一個短訊，就可以到對面的CHANEL店領取體驗裝香水，記得攞埋先走。

以下是登記網站，有興趣可以留意下。

https://gabrielle-hk.chanel.com/