名廚雲集即場教你煮出特色菜
香港美食博覽2017
暑期又到，我依莉詩就會變成會展常客，點解？因為書展、動漫展、電玩展，個個都非常吸引，多嘢睇又有平嘢執，最緊要係有冷氣嘆嘛！而為食嘅我又點會放過一年一度嘅美食博覽呢？除咗要為掃$1食品同福袋做好準備之外，今年亦有多個名廚同人氣 Blogger 即場教煮特色菜添！快啲 Mark 低日子去偷師吧！
|
|
名廚現身顯功架
講到名廚，相信有睇大台嘅朋友都見識過鼎爺 - 李家鼎嘅精湛廚藝，今次佢就同拍檔譚玉瑛將廚房搬到美食區，炮製古法粵菜，一展身手！更有夜上海行政總廚盧錦威以新鮮食材，即場製作乾煸竹筍四季豆，以及稻菊日本餐廳天婦羅主廚徐宏傑親授炸天婦羅嘅秘訣，高手雲集相信一定好熱鬧。
17/08/2017 （星期四） | 2:30pm – 3:15pm 展覽廳3B「星級廚房」 | 《阿爺廚房》美食博覽顯功架 | 人氣飲食節目主持人李家鼎 (鼎爺) 著名節目主持人譚玉瑛 |
18/08/2017 （星期五） | 3:45pm – 4:30pm 展覽廳3B「星級廚房」 | 百年傳承天婦羅 | 稻菊日本餐廳天婦羅主廚徐宏傑 |
19/08/2017 （星期六） | 5:15pm – 6pm 展覽廳3B「星級廚房」 | 夜夜上海幫 | 夜上海行政總廚盧錦威 |
新手一樣學到嘢
不過好似我呢啲入廚新手，要一時間吸收咁多名廚嘅武功，就同一學就學九陰真經一樣，執到都未必識寶。好彩現場仲有唔少網絡紅人教煮懶人料理，啱晒初學者。著名美容及食療專家 Yoko Tsang 會即場教煲愛心花膠養生湯，烹飪 Blogger 及食譜書作家 Candice Leung 亦會分享零失敗愛情料理 - 檸香三文魚扒伴香檳忌廉汁，仲有媒體平台Journesis聯合創辦人陳美茵同Cook1Cook星級廚師Owenmama一齊教用電飯煲整青咖哩雞添！
18/08/2017 （星期五） | 5pm – 6pm 展覽廳3G「時尙生活舞台」 | 煲一煲：懶人晚餐很簡單！ | 媒體平台Journesis聯合創辦人陳美茵 Cook1Cook星級廚師Owenmama |
19/08/2017 （星期六） | 3pm – 4pm 展覽廳3G「時尙生活舞台」 | 花膠美肌煮意 x 無火速焗養生湯 | 著名美容及食療作家 Yoko Tsang |
20/08/2017 （星期日） | 10:30am – 11:30am 展覽廳3G「時尙生活舞台」 | 零失敗愛情料理： 檸香三文魚扒伴香檳忌廉汁 | 烹飪Blogger及食譜書作家 Candice Leung |
$40 行勻 4個展覽
講咗咁多，「香港美食博覽」就係嚟緊 8月17至21日喺會展舉行啦！同期仲會有國際茶展 (201年8月17至19日)、家電‧家品‧博覽同美與健生活博覽 (2017年8月17至21日)，$40 就可以行勻4個展館。有得試食，又有平貨掃，仲有機會令煮藝突飛猛進，約埋你一齊去啦！
美食博覽、家電．家品．博覽、美與健生活博覽及國際茶展
2017年8月17至21日
香港會議展覽中心
購票詳情：
| 美食博覽公眾館、 尊貴美食區 、 家電 ‧ 家品 ‧ 博覽及美與健生活博覽2017套票 | 每位港幣40元 |
| 美食博覽公眾館、家電‧家品‧博覽及美與健生活博覽2017門票 | 每位港幣25元 |
| 美食博覽公眾館、家電‧家品‧博覽及美與健生活博覽2017晚間進場票 | 每位港幣10元 |
套票及門票於指定 7 - 11、OK便利店、快達票售票網及現場有售。更多詳情請按此。
備註：3歲或以下小童及65歲或以上長者免費進場。展覽會每日關閉前45分鐘停止售票及進場。每票只限入場一次。持票人士需同意遵守及及遵從訪客規則及法規。
官方網頁：
| 美食博覽 | http://www.hktdc.com/hkfoodexpo/tc |
| 家電‧家品‧博覽 | http://www.hktdc.com/homedelights/tc |
| 美與健生活博覽 | http://www.hktdc.com/hkbeautyexpo/tc |
| 香港國際茶展 | http://www.hktdc.com/hkteafair/tc |