近期講親 Uber 好似都無樣好，又性騷擾，CEO 又辭職等等。終於有返一個好消息：Uber 在 5 月 20 號已為全球用戶促成 50 億次乘車！

【相關故事：Travis Kalanick 無限期休假 Uber 的真正自駕】

Uber 官網圖片

50 億次係咩概念？以 Uber 成立八年黎計，除返開每年有 6.25 億次，即係每日平均有多過 170 萬乘車次數。由於早期 Uber 乘客一定無而家咁多，即係而家每日乘車量應該唔止呢個數。

再睇近啲，之前公佈過，由 2015 年尾至 2016 年 6 月，總乘車次數由 10 億去到 20 億，6 個月就成十億次，即是在那段期間，每日平均乘車次數超過 550 萬！

又再睇近啲，由 2016 年 6 月到今年 5 月，Uber 促成了 30 億次乘車！

即是過去 11 個月，每日平均乘車次數接近 900 萬！

即係香港每人每日搭一次車都搭唔到呢個數。Uber 仲指出，衝破 50 億次的一刻 (7:29:06am GMT) 有 156 位司機剛好為 Uber 開始新旅程，所以呢 156 位司機都會有 500 美元 (約 3,875 港元) 作獎勵。

乘客有冇獎勵？有，如果你屬於那 156 位乘客，你可以從手機找到相關資料。而獎品就是你可以知道自己為 Uber 帶來了這成績 (科科～)。