馬雲向順豐挑機，兩邊都係循例鬥大聲講自己嘅故事啦。

但係阿 Horse Cloud (編按：即「馬雲」) 你唔好當全世界都係傻嘅，你啲野成日夾硬黎都已經出哂名。之前阿里巴巴 (US: BABA) 要上市，喺度話香港乜乜物物唔開放同股不同權。

Horse Cloud「馬雲」

• 第一，為左你一間野上市要改例！？你估呢度係大陸，可以打橫行？港交所 (388.HK) 嗰位「非香港土生土長的舵手」 (編按：即「李小加」) ，又話阿里巴巴唔喺香港上市，係香港嘅損失，唱哂雙簧咁。
  
  
• 第二，其實阿里巴巴你本來已經好地地喺香港上左市啦，cap 完水 (編按：「cap 水」意即上市籌集資金) 自己私有化係 Horse Cloud 你自己揀嘅，啲散戶都仲未同你計，揸捉咁耐得個桔。學下人地阿 Pony 哥 (馬化騰呀) (編按：馬化騰英文名是 Pony Ma，騰訊的創辦人) ，同股東分享成果，咁先係架嘛！阿 Horse Cloud 你真係當香港係提款機咩？
  
  
• 第三，人地騰訊 (700.HK) 呀，美圖 (1357.HK) 呀，都係咁喺香港上市啦，你阿里巴巴有咩咁特別會上唔到？其實阿里巴巴唔喺香港上市仲好，你睇下騰訊日日破頂不知幾開心。

所以，香港除左勝在有 ICAC (廉政公署)，就係勝在有 SFC (證監會)

去保護散戶寶寶，因為香港係未有集體訴訟機制，上市公司有咩冬瓜豆腐，散戶基本上係投訴無門。

講開 Horse Cloud 呢個話題仲有排講，星期五晚梗係去 happy 下先，下回繼續！

#香港勝左有SFC

#Google走去SearchHorseCloud真係有馬形嘅雲 

#順豐 #SFExpress

唔知講緊乜可以睇呢度：

順豐:關閉對菜鳥數據接口涉訊息安全考慮

待香港修例 阿里巴巴暫緩上市

鳴謝及轉載自野原新的助理

(編輯作出少量修改；文題由編輯所擬。)